Terá lugar na Habana como parte dos actos polo Primeiro de Maio
Evelio Tellería Alfaro
Máis de medio milleiro de sindicalistas estranxeiros asistirán ao Encontro de Solidariedade con Cuba que se efectuará no Palacio de Convencións da Habana, o próximo 2 de maio.
A cita celébrase como parte dos festexos polo día do proletariado mundial e estará dedicada aos 70 anos da fundación da Central de Traballadores de Cuba (CTC) e ao aniversario 50 do advenimento da Revolución Cubana, segundo informou Raimundo Navarro, integrante do Secretariado da central obreira.
Entre as personalidades que confirmaron a súa presenza atópanse George Mavrikus, secretario xeral da Federación Sindical Mundial (FSM); Brendan Barber, secretario xeral da Trade Union Congress (TUC), de Gran Bretaña; John Sutton, presidente da Unión Internacional de Sindicatos da Construción, e Dang Ngoc Tung, máximo representante da Confederación Xeral de Sindicato de Vietnam.
Navarro sinalou que ata o momento espérase a presenza de sindicalistas de máis de 50 organizacións de 24 países e como parte do evento realizarase un encontro con representantes de países integrados á Alternativa Bolivariana para as Américas (ALBA).
