COLOMBIA, GUERRA Á COCA-COLA.
O boicot dun sindicato de Colombia á bebida suma adhesións en todo o mundo.
A multinacional está acusada de empregar a paramilitares como sicarios.
A Universidade de Michigan foi unha das que suspendeu a venda de Coca-Cola aos seus
50.000 alumnos este primeiro de xaneiro, ocasionando á multinacional perdas estimadas en máis 1,2 millóns de euros (200 millóns de pesetas). Con todo, esa cifra poderá multiplicarse nos próximos días porque "alomenos, unhas 1.000 universidades e colexios universitarios de todo o mundo pensan unirse á campaña mundial" contra o consumo desa bebida, segundo afirma Edgard Páez, do Sindicato Nacional de Traballadores da Industria de Alimentos (Sinaltrainal), que congrega a 2.500 empregados de Coca-Cola en Colombia.
"Hai procesos en marcha en universidades e centros educativos de Estados Unidos, Canadá, Italia, Irlanda e o Reino Unido que deben decidirse nestes días, pois é no principio do ano cando se renovan ou non os contratos de subministración de alimentos e bebidas. Só no Reino Unido, o proceso do veto ao consumo de Coca-Cola está en marcha en 536 universidades. Ademais, esperamos que se nos unan outras organizacións sociais nos próximos meses", subliña Páez.
Segundo o diario The Atlanta Journal-Constitution, polo menos nove universidades norteamericanas suspenderon os seus contratos con Coca-Cola por mor da situación en Colombia.
Dous anos de campaña
Baixo o lema Porque amo a vida non tomo Coca-Cola, o sindicato colombiano iniciou fai dous anos a campaña internacional contra o consumo da bebida non alcohólica máis consumida no mundo. Ademais, a central ten abertos catro xuízos contra a multinacional en Estados Unidos, nos que a acusa de empregar a grupos paramilitares de ultraderecha para asasinar, entre 1992 e 2002, a nove sindicalistas que traballaban para a firma en Colombia, e de perseguir e intimidar a outros empregados.
Páez explica que o sindicato pretende que a comunidade internacional presione para que se abra unha investigación na empresa que opera en Colombia a fin de establecer responsabilidades sobre os nove asasinatos e sobre os secuestros, persecucións e intimidacións que sufriron os traballadores de Coca-Cola en Colombia por parte de grupos paramilitares presuntamente contratados pola firma. "Non queremos que iso quede na impunidade, especialmente agora, coas negociacións de paz entre o Goberno e os paramilitares", di.
Pesticidas na India
A Universidade de Michigan suspendeu a venda de Coca-Cola nos seus tres campus por considerar que a multinacional permite os abusos contra os dereitos humanos e a degradación ambiental, segundo denunciou nun comunicado no que anunciou a súa decisión, e tras recibir e avaliar queixas da Organización de Estudantes para a Igualdade Laboral e Económica (Students Organizing for Labor and Economic Equality). Esta organización estudantil acusa a Coca-Cola de conspirar con grupos paramilitares en Colombia para atemorizar aos líderes sindicais e de vender bebidas na India con elevados niveis de pesticidas.
A universidade afirmou inicialmente que renovaría os contratos con Coca-Cola de forma condicional, ata que a empresa realizase unha auditoría independente e implementara un plan correctivo. Ade-
máis, ofreceuse, xunto con outras universidades, para financiar a investigación, pero Coca-Cola informoulle de que non estaba preparada para examinar as súas prácticas comerciais e laborais en Colombia e a India, pois unha demanda civil impedíalle participar na investigación.
O director de comunicacións de Coca-Cola en Colombia, Pablo Largacha, atribúe a campaña do sindicato colombiano a unha das demandas que interpuxo ante os tribunais norteamericanos no 2001, na que relacionou por primeira vez á empresa co asasinato dun dos nove sindicalistas. Este crime ocorreu na planta de Carepa, na zona bananera de Urabá (no oeste de Colombia), fai case 10 anos.
Defensa empresarial
Ademais, Largacha afirma lamentar que as organizacións de dereitos humanos, laborais e ambientais, na súa maioría vinculadas ás universidades, "estean tan mal informados sobre o que sucede en Colombia" e resalta que a empresa ten probas de que os seus directivos non teñen relación coa morte do sindicalista. "Hai un veredicto que di que non hai indicio algún de que a embotelladora de Carepa tivese que ver coa morte destes líderes sindicais", asegura.
En Colombia existen 20 plantas embotelladoras de Coca-Cola, das que 17 pertencen á firma Panamco Colombia S.A. e 3 son dirixidas por particulares. Os traballadores destas embotelladoras están afiliados ao Sinaltrainal, un sindicato fundado en 1982 mediante a fusión doutros de compañías multinacionais de alimentos e bebidas.
Ademais de en Colombia, numerosos traballadores de Coca-Cola en Guatemala tamén denunciaron atropelos. Segundo fontes dos sindicatos, entre 1968 e 1980, seis dos seus dirixentes foron asasinados e outros catro desapareceron sen deixar rastro.
Respecto diso, Páez advirte: "En Colombia non deixaremos que os asasinatos nin os outros atropelos cometidos aquí queden na impunidade".
Campaña para Deter a Coca-Cola Asasina:
ACTUALIZACIÓN
Terra Incognita
Inverno '07 Non 7
A Campaña contra a Coca-Cola Asasina fundar en 2003 para sacar á luz a complicidade de Coca-Cola no secuestro, tortura e asasinato de sindicalistas e traballadores por parte de paramilitares colombianos. E1 pasado ano, Terra Incognita publicou a carta preliminar da campaña xunto cunha breve listaxe doutros abusos e infamias de Coca-Cola. O que segue é un resumo dos logros mais importantes da campaña desde entón, as novas accións levadas a cabo contra o xigante do refresco e os últimos escándalos da compania.
Decembro de 2005
- A Universidade de Nova York, a maior universidade privada de Estados Unidos, prohibe a venda e publicidade de produtos de Coca-Cola no seu campus debido aos abusos contra os dereitos humanos por parte da companyía en Colombia.
-Tres semanas despues, a Universidade de Michigan segue o seu exemplo, anunciando que suspenderá temporalmente a venda de produtos de Coca-Cola a partir do 1 de xaneiro de 2006. A universidade informa a Coca-Cola de que a suspensión estará condicionada polas conclusións que se obteñan dunha "investigación independente a cargo de terceiros" sobre as relacións laborais nas plantas de embotellamento en Colombia.
Abril de 2006
? Fraude de relacións públicas #1: Coca-Cola informa á Universidade de Michigan de que levarán a cabo diversas investigacións independentes tanto en Colombia como na India, pola Organización Internacional do Traballo (ILO) das Nacións Unidas no primeiro destes paises e a cargo do Instituto de Enerxia e Recursos (TERI) no segundo. O portavoz xefe para o Colectivo de Empresarios do ILO é Edward E. Potter, director de Relacións Laborais Globais e Responsabilidade no Traballo de Coca-Cola. Como corpo imparcial, TERI vai investigar o uso que fai a compañia das subministracións de auga locais, a pesar de que Coca-Cola India Ltd. é un dos seus patrocinadores corporativos. Sen máis consulta, a Universidade de Michigan anuncia entón que retomará a adquisición de produtos de Coca-Cola, aparentemente satisfeitos coa idea de Coca-Cola dunha "investigación independente a cargo de terceiros".
- Os estudantes da Universidade de East Anglia en Norwich, Inglaterra, votan prohibir Coca-Cola no seu campus.
-Global Village 2006 decide prohibir os produtos de Coca-Cola no seu campamento internacional en Kent, Inglaterra, debido á implicación da compañia na violenta represión de sindicalistas en Colombia.
- A Corte Suprema de Panamá ordena a Coca-Cola que pague unha multa de 300.000 dólares estadounidenses por verter 4.500 litros de colorante químico na bahía de Panama en 2003.
Maio de 2006
- Fraude de relacións públicas #2: o 18 de maio, a Asociación Latinoamericana (LAA) recoñece a Coca-Cola polo seu "Exemplar Liderado Corporativo" no xantar anual de condecoración da LAA, un evento patrocinado pola Compania Coca-Cola. Ademais, o presidente da xunta directiva da LAA é Frank Ross, que é tamén o vicepresidente adxunto de Asuntos Latinos para Coca-Cola.
- A Facultade de Dereito da City University de Nova York prohibe os produtos de Coca-Cola no seu campus por mor das violacións dos dereitos humanos cometidas pola compañía nas súas plantas de embotellamento en Colombia.
- A Asociación Antropolóxica Americana (AAA), que representa a uns 10.000 profesores de facultades e universidades estadounidenses, referenda un boicot a Coca-Cola en vista do brutal trato da compañía aos organizadores sindicais en Colombia.
Xuño de 2006
- O Parlamento de Estudantes da Universidade de Colonia (Alemaña) promove un boicot a todas as bebidas de Coca-Cola nos comedores universitarios e nas zonas comúns. Por agora máis de dúas ducias de colexios e universidades en Estados Unidos, Canada e Europa rescindiron ou suspendido os seus contratos con Coca-Cola.
Xullo de 2006
- O KLD de Boston, Massachussets (Estados Unidos), a maior fonte de avaliacións de responsabilidade social corporativa para investidores nos EEUU, elimina á compañía Coca-Cola do seu Indice Social de Mercado Xeral (BMSl). KLD basea a súa decision na contaminación de Coca-Cola dos acufferos na India, as violacións dos dereitos humanos en Colombia e a mercadotecnia agresiva dirixido aos nenos. Como resultado, a Asociación de Seguros e Renda Vitalicia de Profesores-Fondo de Xubilación Universitaria (TIAACREF), o maior fondo de pensións de Estados Unidos, vetará a Coca-Cola da súa carteira de investimentos socialmente responsable.
- Wall Street Journal informa de que Coca Cola se viu forzada a retirar dous millóns das súas bebidas embotelladas en Xapón tras descubrirse que contiñan po de ferro.
Agosto de 2006
-O estado meridional indio de Kerala impón unha prohibición total na produción e venda de bebidas de Coca-Cola e Pepsi tras descubrir que contiñan niveis perigosos de residuos de praguicidas. Kerala convértese no cuarto estado da India en prohibir vendas de ditas bebidas por esta razón, pero o primeiro en prohibir ademais a súa produción.
Para máis información, visita a páxina web da campaña en www.killercoke.org.
Nota do editor: Hai individuos que ridiculizan os esforzos da xente que traballa para conseguir que a campañía Coca-Cola sexa responsable dos seus crimes. Estes individuos tamén se burlan doutra xente que apoia estes esforzos. Está ben, porque o seu grosería desvela que senten profundamente inseguros e que non teñen vida interior da que falar. Así que, ride todo o que queirades, amigos; a campaña está sendo un éxito, gústevos ou non.
¡Seguide trogando no mundo libre!
traducido por Marta Garrote Salazar
PROHIBIDA VENDA DE COCA COLA EN KERALA -INDIA
KILLER-COCACOLA
Na india desatouse unha guerra contra as colas a noticia é que o goberno de Kerala na India do sur prohibiu a produción de Coca-Cola e pepsi neste estado e ao parecer pechasen as operacion por completo.
O principal ministro V.S. Achuthanandan indicou hoxe que a interdicción era imposta debido aos perigos para a saúde expostos por Coca-Cola e Pepsi. “chegamos a decisión para pedir coca e Pepsi para parar a produción e a distribución de todos os seus produtos, baseadas nos estudos científicos cales probaron que son danosos” dixo a Sr. Chief Minister V.S. Achuthanandan
O principal ministro Achuthanandan tamén sinalou á campaña de catro anos da comunidade de Plachimada en Kerala onde a comunidade protestou niveis da auga e a contaminación descendentes da auga subterránea e do chan -directamente como resultado das operacións de embotellados da compañía de Coca-Cola na área.
