O día xoves 1 de xaneiro do 2009 a dirección da Fronte de Esquerda composta pola Fronte Democrática para a Liberación de Palestina, a Fronte Popular para a Liberación de Palestina e o Partido do Pobo Palestino, reuniuse para analizar o modo de enfrontar e resistir a criminal agresión sionista contra o noso pobo e declarou o seguinte:
Continúa o brutal ataque contra o noso pobo, aumenta o número de mártires entre nenos, mulleres e anciáns e multiplícase, indiscriminadamente, o derrube de casas sobre os seus habitantes, á vez, continúa a resistencia palestina representada na unidade popular, coa participación de todas as organizacións e brazos armados. Saudamos ao noso pobo, saudamos aos aguerridos loitadores.
Hoxe o pobo palestino escribe unha páxina de gloria que demanda lealdade e responsabilidade ante estes sacrificios, así como responder á urxente necesidade de consolidar a Resistencia e unir as súas filas para poder enfrontar ao agresor.
Reiteramos, unha vez máis, os nosos chamamentos para solucionar a división interna e convocamos ao dialogo nacional para recuperar a unidade. No día de onte recibimos, dos irmáns, Mahmoud Abbas, presidente palestino e Ismail Haniyeh, respostas positivas neste sentido. Acollemos con beneplácito a aceptación e disposición de ambas as partes ao dialogo e a reconciliación e de facer prevalecer as contradicións co inimigo sionista.
É tempo de sangue e sacrificio; non é suficiente repetir palabras; requírense feitos concretos, un movemento urxente e pasos precisos e serios, que conduzan ao inmediato e desexado dialogo unido.
Aos fillos do noso aguerrido pobo
Mentres que hoxe escriben o máis valioso exemplo de resistencia e sacrificio convocámolos a:
1- Levar a cabo a coordinación no terreo a través dun posto de mando unido entre os diferentes brazos armados, sen excepción, para que se logre organizar a resistencia de forma unida fronte ao agresor.
2- Crear comités populares nos campamentos e barrios, nas cidades e aldeas, que inclúen nas súas filas a todas das forzas políticas, organizacións da sociedade civil e personalidades nacionais que desexen colaborar, para que estas estruturas sexan as que organicen todas as formas de solidariedade e socorro para os necesitados.
3- Devanditos comités terán a tarefa de coordinar e manter a comunicación coa UNRWA e as sedes municipais e outras institucións oficiais co obxectivo de unir o traballo e garantir o alto nivel de solidariedade e apoio requirido.
Saúdo ao noso aguerrido poboo
Gloria aos mártires!!
Vitoria á Resistencia!!
Partido do Pobo Palestino
Fronte Popular para a Liberación de Palestina
Fronte Democrática para a Liberación de Palestina
1° de xaneiro do 2009
