OLLO COS VIDEOXOGOS
De xogo en xogo, recrútoche
Juana Carrasco Martín
Por: Juana Carrasco Martín
30 de xullo de 2008 00:02:33 GMT
Ofrecen «realismo» e «autenticidade», por iso algunhas das misións do xogo están baseadas en experiencias actuais dos combates en Iraq e Afganistán.
A pesar de que as administracións estadounidenses se vangrorian de seren conciencia do mundo para denunciar a utilización de nenos e adolescentes como soldados das guerras terzomundistas, a hipocrisía acompáñalles e, de feito, o Pentágono converteuse nun reclutador de menores e xa que logo, un violador das leis internacionais. Só que o fai dunha forma sofisticada e «inocente»: utiliza videoxogos como engañifa e anzol para as mentes e as vontades de quen logo lle servirán nos escenarios bélicos.
Un xogo oficial do exército de Estados Unidos.
«America?s Army» saíu á rúa en maio de 2002, en realidade invadiu o Centro de Convencións de Los Ángeles, ocupado nese momento polo encontro anual de xogos de vídeo. Soldados en uniformes de camuflaxe, carros de combate Humvees, un tanque pequeno á entrada da instalación e os efectos atronadores dun helicóptero de guerra acompañaron a espectacular presentación: «Empodérese vostede mesmo. Defenda a América (léase Estados Unidos)... Vostede pode ser un soldado», dicíase nunha pantalla xigante.
Todo apuntou a lograr o recrutamento que xa se lles facía escorredizo, e sobre todo garantir os soldados para as futuras guerras, incursionando na mente dos raparigos e dándolles habilidades bélicas, mediante os efectos virtuais do último dispositivo interactivo que revelaba unha ferramenta psicolóxica do Pentágono.
Baixar o xoguiño da web foi entón doadísimo, e de balde; pero como tamén no Pentágono se privatíza, agora podese adquirir en Xbox, PlayStation, teléfonos celulares e consolas Gameboy. Afírmase que 30 000 xogadores están enganchados diariamente ao «America?s Army» e que máis de nove millóns rexistrados como usuarios, mentres esperan lanzar a versión 3.0, que empaqueta unha experiencia militar moito maior, o vindoiro setembro.
O exército gastou seis millóns de dólares para desenvolver o «entretemento» no Modeling, Virtual Environments and Simulation Institute (MOVES), pero no 2004 entregoullo ás compañías privadas, que lle sacaron o seu propio partido ganancial, en especial Ubisoft, a sétima maior compañía de xogos de vídeo do mundo, aínda que non é a única empresa coa cal a institución armada traballou estreitamente para os seus propósitos.
A publicación dixital alternativa CommonDreams.org denunciou os pormenores do abominable negocio e contubernio. Autoridades militares admitiron que raparigos de 13 anos poden «xogar á guerra», e prefiren este público novo que será utilizado nun futuro case inmediato. Xa aprenden misións de combate que simulan o mundo real, como a dedicada ao ataque contra o hospital de Falluja en novembro de 2004, onde se violaron todas as leis internacionais habidas ou por haber. Pero «America?s Army» presénta nunha versión edulcorada, a pesares da violencia da guerra e os crimes que alí se cometeron, convertidos por obra e graza do «xogo» nos «valores do exército» que fan especialmente atractivos o servizo. A propaganda e os obxectivos son tan evidentes que o sitio web conecta directamente coa páxina de recrutamento das forzas armadas e os xogadores poden facer unha exploración virtual a un centro de enrolamento.
Por certo, di CommonDreams que os reclutadores locais utilizan o xogo no seu labor cos raparigos de high school, acompañando con refrescos e pizzas, máis festivais públicos onde os raparigos de 13 anos poden tocar réplicas de equipos militares de tamaño real, sen dúbidas un bo condicionamento mental para garantir os homes e mulleres que expandirán o imperio. Tanto lles ten o Protocolo Opcional sobre o involucramento de Nenos en Conflitos Armados, nin que este fose ratificado polo Senado en decembro de 2002. Non será a primeira, a única, nin a última lei internacional pola que a administración Bush cuspe...
En definitiva logran os seus efectos: en Iraq xa combaten algúns dos raparigos que comezaron a xogar «America?s Army» hai xa un lustro.
sexta-feira, 22 de agosto de 2008
