Nicaragua e Bolivia declararanse libres de analfabetismo en 2009
Comeza en Cuba o Congreso Iberoamericano sobre Alfabetización
Guillermo Nova
A República
Este luns comezou en Cuba o Congreso Iberoamericano de Alfabetización coa presenza de máis dun milleiro de educadores, académicos e representantes de ministerios de Educación de máis de 30 países do mundo.
Tamén se realizará o Foro Social de Alfabetización protagonizado por organizacións non gobernamentais, movementos sociais, sindicatos e outras entidades que se destacaron polo seu apoio aos procesos de alfabetización.
O Congreso é un espazo para o intercambio académico acerca das principais experiencias, posicións conceptuais e resultados científicos sobre políticas, programas, métodos e estratexias de alfabetización e postalfabetización.
Ademais, o foro incluirá a realización de cinco cursos impartidos por especialistas cubanos sobre os métodos de alfabetización, especialmente o "Eu, si podo", que ensinou a ler e escribir a máis de 3,19 millóns de persoas.
Paralelamente, sesionará unha reunión da Alternativa Bolivariana para os Pobos da nosa América (ALBA), onde se prevé que Bolivia e Nicaragua anuncien que quedarán libre de analfabetismo en 2008 e 2009, respectivamente.
O programa de alfabetización cubano "Eu, se podo" foi aplicado con éxito en varios países latinoamericanos, como Venezuela, Bolivia e Nicaragua.
En 2005, Venezuela foi declarada territorio libre de analfabetismo grazas ao programa de estudos cubano.
Estes encontros contan co apoio do Ministerio de Educación de Cuba; a Organización de Estados Iberoamericanos para a Educación, a Ciencia e a Cultura (OEI); a secretaría Xeral Iberoamericana (SEGIB), e o Instituto Pedagóxico Latinoamericano e Caribeño (IPLAC).
