O rei de Nepal vaise de palacio entre vivas á república
* O Goberno autoriza a Gyanendra a ocupar de forma temporal a
residencia de verán
?FPRIVATE "TYPE=PICT;ALT= O deposto rei Gyanendra abandona o palacio real
de Katman"
O deposto rei Gyanendra abandona o palacio real de Katmandú,
onte. Foto: AP / MUSTAFA QURAISHI
O XORNAL
KATMANDÚ
Punto final a 240 anos de monarquía en Nepal. A pesar de que a declaración
oficial da República levou a cabo o pasado 28 de maio, non foi ata
onte cando o deposto rei Gyanendra, de 60 anos, abandonou o impoñente
palacio real de Narayanhiti, que será convertido en museo.
A bordo dunha limusina negra, o monarca marchouse do palacio rosado
atravesando rúas ateigadas de cidadáns concentrados para vivir o
momento histórico. Moitos gritaron consignas na súa contra, algunhas
especialmente duras --"Gyane, ladrón, vaiche do país"-- intercalados con aclamacións
á república. Pouco antes de saír, Gyanendra, que xa entregou a
coroa e o cetro da dinastía ao Goberno, apuntou nunha multitudinaria
rolda de prensa que respecta a abolición da monarquía e o seu desexo é
quedar no país para continuar traballando en "beneficio" do pobo
nepalí.
Cunha fortuna valorada en centos de millóns de dólares, Gyanendra
comentou fai unha semana que se dispuña a empezar unha vida de "simple
cidadán". Pero a pesar de xa non ser rei, está moi lonxe de ser un
cidadán do montón ao uso. De entrada, o Goberno concedeulle o
beneplácito de ocupar, temporalmente, a que ata agora fora a súa
residencia de verán, situada nun outeiro das aforas de Katmandú.
Tamén gozará dunha garda de vixilancia aínda que non estará composta por 400
soldados, como el demandaba inicialmente, senón por 75.
RENUNCIA A 600 EMPREGADOS
Iso si, o ata agora monarca e a súa esposa, a anciá Komal, deberán
renunciar aos 600 empregados dos que dispuxeron ata onte para labores
de limpeza, xardinería, cociña e secretaría. Este séquito de traballadores
pasará a formar parte do corpo de funcionarios da nova República.
Gyanendra non puido desprenderse, nin sequera o último día, das
insinuacións sobre a súa implicación na trama para acabar con toda a
familia real no 2001. O regicidio foi múltiple. O seu irmán Birendra,
entón rei, e outros oito membros da familia real foron asasinados polo
entón príncipe herdeiro, Dipendra, que logo se quitou a vida. Aínda que
a explicación foi que o príncipe, completamente drogado e enojado co seu
pai ao non permitirlle casar coa muller á que amaba, foi o único
responsable do complot, aínda son moitos os que pensan que Gyanendra,
tío do príncipe, foi o instigador de tamaña barbaridade co obxectivo
último de facerse co trono.
DEZ ANOS DE GUERRA
Ata o último día, viuse obrigado a repetir que "non houbo motivos
egoístas" na súa ascensión ao trono.
A xornada de onte foi o colofón a un complicadísimo e longo proceso de paz
que puxo fin, en novembro do 2006, a dez anos de guerra entre o Goberno
e a guerrilla maoísta. Así, tras asinar a paz cos maoístas, os
partidos parlamentarios acordaron, en decembro do 2007, que a monarquía
sería abolida por unha asemblea que se elixiría ao ano seguinte. O día da
abolición foi o pasado 28 de maio. A Asemblea Constituínte deberá
abordar agora temas como a elección do presidente de Nepal.
