Posición común de partidos comunistas e outras forzas de esquerda e progresistas de Europa sobre o Non irlandés ao Tratado de Lisboa
A vitoria do NON en Irlanda pon fin ao Tratado de Lisboa.
Este resultado é de gran importancia e de alto significado político - tendo en conta que se obtivo no contexto de grandes presións dos principais líderes da Unión Europea - e constitúe unha importante derrota do proxecto de intensificar o neoliberalismo e o militarismo en Europa e da concepción, perseguida polos gobernos e grandes grupos económicos e financeiros, dunha Unión Europea que sexa un directorio das grandes potencias.
Os partidos comunistas e outras forzas de esquerda e progresistas da UE felicitan á clase obreira e a todo o povo irlandés pola súa valiosa contribución a deter o curso seguido por este Tratado e alégranse do resultado, que esixe a inmediata suspensión dos procesos de ratificación. Así mesmo, avisan de que non caben manobras de atraso que pretendan ignorar o rexeitamento ao Tratado, igual que en 2005 tras a vitoria do NON en Francia e Países Baixos, e denuncian a natureza antidemocrática de todo este proceso.
Expresan a súa determinación a continuar a loita por unha Europa comprometida coa xustiza social, coa solidariedade e a cooperación entre os povos e países, unha Europa de paz entre estados soberanos, iguais en dereitos.
Reafirman o seu compromiso co desenvolvemento e apoio ás importantes loitas que están tendo lugar en varios países europeos en defensa dos dereitos sociais e laborais e o seu compromiso con levantar unha poderosa barreira contra a ofensiva capitalista neoliberal plasmada no recentemente derrotado Tratado.
Os Partidos
Partido Comunista dos Povos de España
Partido da Esquerda de Suecia
Partido Comunista de Luxemburgo
Partido Comunista de Irlanda
Partido dos Traballadores de Irlanda
Partido Comunista Alemán
Partido do Traballo de Bélxica
Partido Comunista Británico
Partido Comunista en Dinamarca
Partido Comunista de España
Partido Comunista de Finlandia
Partido Comunista Francés
Partido Comunista de Grecia
Novo Partido Comunista dos Países Baixos
Partido Comunista dos Traballadores Húngaros
Partido dos Comunistas Italianos
Partido Comunista Portugués
Partido Comunista de Bohemia e Moravia
Lisboa, xuño de 2008.
quarta-feira, 2 de julho de 2008
