Subject: (Translation by PCPE) MarxistIndia, Congress Taking Help of Convicted Criminals
To: SolidNet
Comunicado de prensa
O Buró Político do Partido Comunista de India (Marxista) emitiu a seguinte declaración:
Informouse que algúns membros da Lok Sabha (Cámara Baixa) que foran procesados por crimes importantes e atópanse en prisión están sendo mobilizados para apoiar a moción de confianza na Lok Sabha.
Trátase de tres membros:
1. Rajiv Ranjan alias Pappu Yadav, procesado polo asasinato de Ajit Sarkar, parlamentario estatal do PCI(M). Condenado a cadea perpetua.
2. Mohd. Shahabuddin, procesado por secuestro con intento de asasinato. Condenado a cadea perpetua. Tamén se enfronta a varios cargos no caso do asasinato de Chandrasekar, antigo presidente da Unión de Estudantes da Universidade Jawaharlal Nehru e dirixente do PCI(ML).
3. Suraj Bhan, procesado por asasinato e condenado a cadea perpetua.
A pesar de que legalmente teñan o dereito a acudir ao parlamento e votar, trátase dunha cuestión de moralidade política. Todo o país considerará que a dirección do (Partido do)/do) Congreso recorre a criminais convictos para manter o seu goberno.
Asunto: (Translation by PCPE) CP of India, Press Communique
Comunicado de prensa
A Executiva Nacional do Partido Comunista da India reuniuse en Nova Deli os días 12 e 13 de xullo de 2008. Tras escoitar e deliberar sobre os acontecementos relacionados coas accións do Goberno da UPA dirixidas a implementar o Acordo Nuclear Indo-estadounidense, apresurándose a reunir ao Consello de Gobernadores da OIEA para ratificar o texto do Acordo de Seguridade, sen levalo ao Comité Paritario, a pesar de haberse comprometido solemnemente a facelo, a Executiva Nacional por unanimidade aprobou subscribir a decisión dos Partidos da Esquerda de retirar o apoio ao Goberno.
Por mor disto, os membros do PCI en Lok Sabha (cámara baixa) xunto con outros membros dos partidos de Esquerda votarán en contra da moción de confianza presentada polo Goberno.
O noso voto en contra da moción de confianza baséase na nosa perspectiva política e nos motivos seguintes:
? A nosa oposición ao acordo Nuclear Indo-estadounidense , que compromete a nosa política exterior independente, vincula á India aos obxectivos estratéxicos do imperialismo de EE.UU., e limita a nosa autonomía estratéxica.
? A indiferenza e o fracaso do goberno na loita contra a inflación galopante e a forte subida de prezos que está afectando a todos os sectores do noso pobo; a súa negativa a realizar calquera das medidas concretas suxeridas pola esquerda para manter os prezos baixo control e garantir a seguridade alimentaria. A súa grave traizón á xente común.
? As súas políticas económicas antipopulares que agravan aínda máis as desigualdades, provocando o aumento do desemprego, unha crise agraria crónica que conduce ao suicidio dos agricultores, e así sucesivamente.
Para dalgún xeito manterse no poder, o partido gobernante está recorrendo a toda clase de manobras e pactos. Ata a CBI (Axencia Anticorrupción) está sendo utilizada para activar ou desactivar as súas investigacións e pescudas, lanzando os casos casos só agora para axudar a que o partido gobernante obteña a maioría. Isto ten que ser severamente condenado.
Non se expón ningunha coordinación co Partido Bharatiya Janata sobre estas cuestións. O carácter comunal do BJP segue sendo un grave perigo para a política democrática laica do noso país. O PCI e os partidos da Esquerda están decididos a loitar contra as forzas comunalistas e frustrar a súa poxa polo poder, como viñeron facendo desde sempre.
A Executiva Nacional decidiu levar a cabo unha campaña nacional, conxuntamente con outros partidos da esquerda e pola súa conta, para unir á xente baixo as tres bandeiras de --
Anti-imperialismo e defensa da soberanía do país;
-- Loita contra o comunalismo e defensa da nosa política democrática laica;
-- A protección e a mellora dos medios de subsistencia do pobo contra os ataques das grandes empresas, nacionais e estranxeiras, axudadas e instigadas polo Goberno.
A campaña nacional iníciase o 14 de xullo. As reunións organizaranse nas principais poboacións, así como nas cidades e aldeas. Publicaranse panfletos e folletos. Exporanse as afirmacións falsas realizadas polo Goberno e oporáselles a realidade dos feitos.
O Consello Nacional do Partido reunirase o 3, 4 e 5 de agosto en Nova Deli para levar adiante e intensificar o movemento popular
CP of India, Press Communiqué
sexta-feira, 18 de julho de 2008
